Karnivor (Carnivore) ət yeyənlərin pəhrizi yalnız heyvan mənşəli qidaların istehlak edildiyi və bitki qidalarının tamamilə xaric edildiyi bir pəhrizdir. Bu pəhrizə əsasən ət, balıq, yumurta və heyvan yağları kimi qidalar daxildir. Pendir və süd məhsulları kimi bəzi fermentləşdirilmiş məhsullara da bəzən icazə verilir. Bu pəhrizdə tərəvəz, meyvə, taxıl, paxlalılar, qoz-fındıq, toxum və digər bitki mənşəli qidalar istehlak edilmir. Bu pəhriz iltihabı azaltmaq, həzm pozğunluqlarını müalicə etmək, kilo itkisini dəstəkləmək və enerji səviyyələrini artırmaq kimi məqsədlər üçün istifadə edilə bilər. Mütəxəssislər heyvan qidalarının insan fiziologiyasına daha uyğun olduğunu və bitki mənşəli qidaların həzm sistemini gərginləşdirdiyini iddia edirlər. Pəhrizin əsas fəlsəfəsi insanların tarix boyu ovçu kimi yaşadıqları zaman istehlak edilən qidalara qayıtmağı hədəfləyir.

Hər bir pəhriz növünün potensial faydaları və mümkün riskləri vardır ki, onları aşağıdakı kimi qruplaşdırmaq olar:

Potensial faydalar:

Aşağı karbohidrat qəbulu sayəsində sürətli kilo itkisi əldə edilə bilər;

Bəzi fərdi dözümsüzlüklər və ya allergiyanın səbəb olduğu həzm problemləri azala bilər;

Qan şəkəri və insulin balansına müsbət təsiri ola bilər.

Mümkün zərərlər və risklər:

Lif çatışmazlığı: Bitki qidaları istehlak edilmədiyi üçün bağırsaq sağlamlığına mənfi təsir göstərə bilər;

Vitamin və mineral çatışmazlıqları: C vitamini kimi bəzi bitki mənşəli mikroelementlərin qeyri-kafi qəbulu müşahidə oluna bilər;

Uzunmüddətli sağlamlıq riskləri: Ürək-damar xəstəlikləri riski arta bilər. Xolesterol səviyyələrində artım baş verə bilər;

Monoton pəhriz: Psixoloji cəhətdən saxlamaq çətin ola bilər.

Karnivor pəhrizini uzun müddətdə sağlamlıq problemlərinə səbəb ola bilər, çünki bu, çox məhdudlaşdırıcı bir pəhrizdir. Balanslaşdırılmış və davamlı pəhriz daha təhlükəsiz və daha təsirli olur. Ürək-damar xəstəlikləri riski olanlar, böyrək xəstələri, hamilə qadınlar və süd verən analar üçün, şəkər xəstələri və ya digər metabolik pozğunluqları olan şəxslər karnivor pəhrizi uyğun deyil.

Karbohidratları tamamilə istisna edən və bütün enerjini zülal və yağdan təmin edən karnivor pəhrizi həm tərəfdarlar, həm də tənqidçilər arasında mübahisə mənbəyi olaraq qalır. Karnivor pəhrizi düzgün şəkildə izlənildikdə bir sıra sağlamlıq faydaları təqdim edir ki, bunları aşağıdakı kimi sıralamaq olar:

Arıqlamaq: Karbohidratları kəsmək bədəni yağ yandırmağa istiqamətləndirərək arıqlamağı sürətləndirir;

Qan şəkərinə nəzarət: Şəkər xəstələri üçün qan şəkərinin dəyişməsini minimuma endirir;

Daha az iltihab: Heyvan mənşəli məhsullar, xüsusən də qırmızı ət bəzi insanlarda iltihabı azaldır;

Sadə və asan tətbiq: Məhdud qida qrupları ilə pəhriz izləmək və həyata keçirmək çox asandır;

Həzm problemlərini azalda bilər: Xüsusilə bağırsaq problemləri olan insanlara rahatlıq verə bilər.

Teorik olaraq, karbohidratların tam olmaması insulin istehsalını azaltmaqla və qan şəkərinin səviyyəsini sabitləşdirməklə əhval-ruhiyyə və iltihaba faydalı təsir göstərəcəkdir. Hələlik bütün bunlar şəxsi ifadələrə və məhdud araşdırmalara əsaslanır. Qısacası, bu faydaların universal olub-olmadığını və ya konkret şəxslərin maddələr mübadiləsi ilə məhdudlaşdığını bilmək çətindir.